అబుదాబీలో మోదీ-షేక్ మొహమ్మద్ ద్వైపాక్షిక చర్చలు; భారత్-UAE భాగస్వామ్యం మరింత బలోపేతం

ప్రధాని నరేంద్ర మోదీ అబుదాబీలో UAE అధ్యక్షుడు షేక్ మొహమ్మద్ బిన్ జాయెద్ అల్ నహ్యాన్‌తో ద్వైపాక్షిక చర్చలు జరిపారు. UAE వైమానిక దళం విమానాలు ఎస్కార్ట్ చేయడం భారత ప్రజలకు గౌరవంగా భావిస్తున్నట్లు మోదీ పేర్కొన్నారు.

పశ్చిమ ఆసియాలో యుద్ధ పరిస్థితుల నేపథ్యంలో UAE పై జరిగిన దాడులను భారత్ తీవ్రంగా ఖండిస్తున్నదని మోదీ స్పష్టం చేశారు. ఆ కష్ట సమయంలో UAE అధ్యక్షుడు చూపిన సంయమనం, దృఢ సంకల్పం అభినందనీయమని ప్రశంసించారు. జాతీయ ఐక్యత, భద్రత, ప్రాదేశిక సమగ్రత కాపాడేందుకు తీసుకున్న చర్యలను భారత్ స్వాగతిస్తున్నదని తెలిపారు.

కష్ట సమయంలో UAE లో నివసించే భారతీయ సమాజాన్ని తన కుటుంబ సభ్యుల్లా చూసుకున్నందుకు షేక్ మొహమ్మద్‌కు, Royal Family కు మోదీ హృదయపూర్వక కృతజ్ఞతలు తెలిపారు. UAE లో సుమారు 35 లక్షల మంది భారతీయులు నివసిస్తున్నారు.

సమస్యల పరిష్కారానికి dialogue మరియు diplomacy మార్గమే భారత్ విధానమని, అంతర్జాతీయ చట్టాల పాటింపు అవసరమని మోదీ నొక్కిచెప్పారు. ప్రతి పరిస్థితిలో భారత్ UAE తో భుజం భుజం కలిపి నిలుస్తుందని హామీ ఇచ్చారు.

జనవరిలో షేక్ మొహమ్మద్ భారత పర్యటన సందర్భంగా Comprehensive Strategic Partnership ని మరింత బలోపేతం చేసుకోవాలని అంగీకరించారు. అప్పటి నుంచి అన్ని రంగాల్లో గణనీయమైన పురోగతి సాధించినట్లు మోదీ తెలిపారు. పశ్చిమ ఆసియా పరిస్థితుల నేపథ్యంలో భారత్-UAE వ్యూహాత్మక భాగస్వామ్యం ప్రాముఖ్యత పలు రెట్లు పెరిగిందని ఆయన అన్నారు.