కామారెడ్డి జిల్లా తాడ్వాయిలో బీఆర్ఎస్ నేతలు, రైతుల ధర్నాకు పోలీసులు అడ్డు

కామారెడ్డి జిల్లా తాడ్వాయిలో ఉద్రిక్తత చోటు చేసుకుంది. పలు డిమాండ్లతో రైతులు, బీఆర్ఎస్ నాయకులు ధర్నా నిర్వహించడానికి ప్రయత్నించగా, పోలీసులు అడ్డుకున్నారు. అనుమతి లేనందున ధర్నాకు వీల్లేదని చెప్పి, రోడ్డు పై కూర్చున్న వారిని అక్కడ నుండి తరిమించారు.

ధర్నా వేళ ఆందోళన మరింత పెరిగి, ఓ రైతు తనపై పెట్రోల్ పోసుకునే ప్రయత్నం చేశాడు. వెంటనే పోలీసులు అడ్డుకొని అతడిని పక్కకు తీసుకెళ్లారు. నిరసనకారులు స్థానిక ఎమ్మెల్యే మదన్ మోహన్‌పై నినాదాలు చేశారు. ప్రస్తుతం పరిస్థితి అదుపులో ఉన్నట్లు తెలుస్తోంది. ఘటనకు సంబంధించిన దృశ్యాలు సోషల్ మీడియాలో ప్రచారంలో ఉన్నాయి.