2022లో రష్యా న్యూక్లియర్ దాడిని మోదీ నిలిపారు: పోలెండ్ మంత్రి

2022 చివరలో రష్యా అధ్యక్షుడు వ్లాదిమీర్ పుతిన్ యూక్రెయిన్‌పై న్యూక్లియర్ వెపన్స్ ఉపయోగించకుండా భారత ప్రధాని నరేంద్ర మోదీ కీలక పాత్ర పోషించారని పోలెండ్ ఉప విదేశాంగ మంత్రి వ్లాదిస్లావ్ టియోఫిల్ బార్టోషేవస్కీ ప్రకటించారు.

ఢిల్లీలో భారత్-పోలెండ్ సంయుక్త ఆర్థిక కమిషన్ సమావేశం అనంతరం జరిగిన విలేకరుల సమావేశంలో ఆయన ఈ మాటలు చెప్పారు. 2022 సెప్టెంబర్‌లో ఉజ్బెకిస్థాన్‌లోని షాంఘై సహకార సంస్థ (SCO) సదస్సులో మోదీ, పుతిన్‌తో ‘ఈ యుద్ధానికి ఇది సమయం కాదు’ అని అన్నారని, ఆ తర్వాత పుతిన్ అణ్వాయుధాల వాడకం ఆలోచనను పక్కన పెట్టారని బార్టోషేవస్కీ వివరించారు.

రష్యా-యూక్రెయిన్ యుద్ధం 2022 ఫిబ్రవరిలో మొదలైంది. ఈ యుద్ధంపై అమెరికా, ఐరోపా దేశాలు రష్యాపై ఆర్థిక ఆంక్షలు విధించినా, భారత్ వాటిలో చేరలేదు. రష్యా నుంచి తక్కువ ధరకు చమురు కొనుగోళ్లు కొనసాగించింది. 2024లో మోదీ కీవ్ వెళ్లి యూక్రెయిన్ అధ్యక్షుడు జెలెన్‌స్కీని కలిశారు. ఈ నేపథ్యంలో పోలెండ్ మంత్రి ప్రకటన భారత దౌత్య ప్రయత్నాలపై సరికొత్త దృష్టిని నెత్తింది.