ఇందిరమ్మ ఇండ్ల రెండో విడతకు జూన్ 1న శ్రీకారం: 13 నెలల్లో లక్ష ఇండ్లు పూర్తి

తెలంగాణలో ఇందిరమ్మ ఇండ్ల పథకం రెండో విడతను జూన్ 1న సీఎం రేవంత్ రెడ్డి ప్రారంభిస్తారని రాష్ట్ర గృహ నిర్మాణ శాఖ మంత్రి పొంగులేటి శ్రీనివాస్ రెడ్డి తెలిపారు.

13 నెలల వ్యవధిలోనే లక్ష ఇండ్ల నిర్మాణం పూర్తి చేసినట్టు ఆయన వెల్లడించారు. మరో రెండు నెలల్లో మరో లక్ష ఇండ్లు పూర్తి చేస్తామని చెప్పారు.

ఈ ఏడాది 3.5 లక్షల ఇండ్లు మంజూరు చేసినట్టు మంత్రి తెలిపారు. రెండో విడతలో 2.5 లక్షల ఇండ్లు మంజూరు చేయగా, ప్రతి నియోజకవర్గానికి 6,500 ఇండ్లు మంజూరు చేసినట్టు వివరించారు.

2026-27 నాటికి GHMC పరిధిలో లక్ష ఇండ్లకు పరిపాలన అనుమతులు మంజూరు చేస్తామన్నారు. 2013 నుంచి నిర్మాణంలో ఉండి అసంపూర్తిగా నిలిచిపోయిన ఇందిరమ్మ ఇండ్లకు కూడా ఆర్థిక సాయం అందజేస్తామని మంత్రి పేర్కొన్నారు.