పొంగులేటి: తెలంగాణలో సవరించిన భూమి రేట్లు రేపటి నుంచి అమలు

తెలంగాణ రాష్ట్రంలో సవరించిన భూమి రేట్లు రేపటి నుంచి అమల్లోకి వస్తాయని రెవెన్యూ మంత్రి పొంగులేటి శ్రీనివాస్ రెడ్డి ప్రకటించారు.

గత BRS ప్రభుత్వం భూమి రేట్లను 6% నుంచి 7.5% వరకు పెంచిందని, తాము శాస్త్రీయంగా రేట్లను సవరించామని మంత్రి తెలిపారు. ప్రజలకు అత్యుత్తమ సేవలు అందించే లక్ష్యంతో రెవెన్యూ వ్యవస్థలో సమూల మార్పులు తెచ్చామన్నారు.

ఎట్టి పరిస్థితుల్లోనూ చార్జీలు పెంచే ప్రసక్తి లేదని ఆయన స్పష్టం చేశారు. గచ్చిబౌలి తాలీమ్లో నిర్మిస్తున్న ఇంటిగ్రేటెడ్ సబ్ రిజిస్ట్రార్ కార్యాలయ నిర్మాణ పనులను ఈరోజు మంత్రి పరిశీలించారు.

కార్పొరేట్ స్థాయిలో ఇంటిగ్రేటెడ్ సబ్ రిజిస్ట్రార్ కార్యాలయాలకు శంకుస్థాపన చేయడంతో పాటు, రెవెన్యూ సేవలను మరింత మెరుగుపరిచేలా చర్యలు తీసుకుంటున్నట్టు మంత్రి వెల్లడించారు.