BRS త్వరలో MRS అవుతుందని పొంగులేటి వ్యాఖ్య

తెలంగాణ మంత్రి పొంగులేటి శ్రీనివాస్ రెడ్డి BRS పార్టీపై తీవ్ర విమర్శలు చేశారు. BRS పార్టీ భవిష్యత్తులో కేవలం మెదక్ జిల్లాకే పరిమితమవుతుందని ఆయన వ్యాఖ్యానించారు.

TRS గా మొదలైన పార్టీ జాతీయ స్థాయికి వెళ్లాలని BRS గా మారిందని పొంగులేటి పేర్కొన్నారు. అయితే ఆ లక్ష్యం నెరవేరలేదని, పార్టీ ఇప్పుడు మరింత కుంచించుకుపోతుందని అన్నారు.

BRS ప్రతిపక్షంలో ఉంటూ చేసే పనులు, నేతల భాష, ప్రవర్తన వల్ల పార్టీ మెదక్ జిల్లాకే పరిమితమవుతుందని ఆయన అభిప్రాయపడ్డారు. ఆ జిల్లాలోనూ కేవలం కుటుంబ సభ్యులు మాత్రమే గెలుస్తారని వ్యాఖ్యానించారు.

ఈ విషయంపై BRS స్పందన తెలియాల్సి ఉంది.