హైదరాబాద్‌లో లక్ష ఇందిరమ్మ ఇళ్లు: మంత్రి పొంగులేటి వివరణ

హైదరాబాద్ పరిధిలో తొలి విడతగా లక్ష ఇందిరమ్మ ఇళ్లు నిర్మిస్తామని మంత్రి పొంగులేటి శ్రీనివాస్ రెడ్డి తెలిపారు. పేదలకు సౌకర్యవంతమైన ఇళ్లు నిర్మించడమే లక్ష్యమని స్పష్టం చేశారు.

నగరంలో అర్బన్ ఇందిరమ్మ ఇళ్లకు కొత్త డిజైన్లు సిద్ధం చేస్తున్నట్లు పొంగులేటి వివరించారు. అవసరమైతే 10 అంతస్తుల వరకు భవనాలు నిర్మిస్తామని తెలిపారు. 40 నుండి 50 ఏళ్ల భవిష్యత్తు అవసరాలకు అనుగుణంగా నిర్మాణాలు చేపడతామన్నారు.

CM రేవంత్ రెడ్డితో చర్చించి తుది డిజైన్లు ఖరారు చేస్తామని మంత్రి తెలిపారు. యుద్ధ ప్రాతిపదికన నిర్మాణ పనులు ప్రారంభించాలని అధికారులను ఆదేశించారు.

కొద్ది రోజుల క్రితం BRS ప్రభుత్వం వచ్చిన తర్వాత ఒక్క ఇందిరమ్మ ఇల్లు కూడా నిర్మించలేదని విమర్శించింది. నిరూపిస్తే రాజకీయ సన్యాసం తీసుకుంటానని KTR సవాలు విసిరారు. దీనికి స్పందిస్తూ మంత్రి పొంగులేటి మరో రెండున్నర ఏళ్లలో BRS హయాంలో నిర్మించిన ఇళ్లకంటే ఎక్కువ ఇళ్లు నిర్మిస్తామని పేర్కొన్నారు.