బాల్క సుమన్ వ్యాఖ్యలపై మంత్రి పొన్నం స్పందన — BRS సస్పెండ్ చేయాలని డిమాండ్

తెలంగాణ మంత్రి పొన్నం ప్రభాకర్, BRS నేత బాల్క సుమన్ వ్యాఖ్యలను తీవ్రంగా విమర్శించారు. రైల్వే పట్టాలు కట్ చేయాలని, సింగరేణి కార్యాలయాన్ని తగలబెట్టాలని బాల్క సుమన్ పిలుపు ఇచ్చారని పొన్నం ఆరోపించారు.

ఈ వ్యాఖ్యలపై రైల్వే పోలీసులు కేసు నమోదు చేయాలని పొన్నం కోరారు. ప్రజాస్వామ్యంలో హింసకు తావు లేదని ఆయన అన్నారు.

లక్షలాది మందికి ఉపాధి కల్పిస్తున్న సింగరేణి సంస్థ అదే ప్రాంతం నుండి ఎమ్మెల్యేగా, ఎంపీగా పనిచేసిన వ్యక్తి తగలబెట్టాలని మాట్లాడడం ఆశ్చర్యంగా ఉందని పొన్నం పేర్కొన్నారు. BRS పార్టీ వెంటనే బాల్క సుమన్‌ను సస్పెండ్ చేయాలని ఆయన డిమాండ్ చేశారు.

ఈ విషయంపై BRS పార్టీ అధికారిక స్పందన తెలియాల్సి ఉంది.