పూజా హెగ్డే కొత్త లుక్.. అల్లు అర్జున్ చిత్రంలో నటిస్తారా?

నటి పూజ హెగ్డే తాజాగా తన లుక్ మార్చుకున్నారు. షార్ట్ హెయిర్ కట్ చేయించుకోగా, సోషల్ మీడియాలో ఈ ఫొటోలు వైరల్ అవుతున్నాయి.

ఇటీవల ఆమె నటించిన హిందీ చిత్రం ఆశించిన స్థాయిలో విజయం సాధించలేదని నివేదికలు చెబుతున్నాయి. దీంతో పూజ దక్షిణాది చిత్రాలపై దృష్టి పెట్టినట్టు తెలుస్తోంది. ప్రస్తుతం ఆమె దుల్కర్ సల్మాన్‌తో ఓ తెలుగు చిత్రంలో నటిస్తున్నారు.

అలాగే దర్శకుడు లోకేష్ కనకరాజ్ తెరకెక్కించే అల్లు అర్జున్ కొత్త చిత్రంలోనూ ఆమె నటించే అవకాశం ఉందని ప్రచారం జరుగుతోంది. గతంలో 'దువ్వాడ జగన్నాధం', 'అల వైకుంఠపురములో' చిత్రాలతో పూజకు మంచి విజయాలు అందించిన అల్లు అర్జున్‌తో మూడోసారి జంటగా కనిపించనున్నట్టు ఊహాగానాలు వినిపిస్తున్నాయి. ఈ చిత్రంపై అధికారిక ప్రకటన రావాల్సి ఉంది.