పోసాని కృష్ణ మురళి: ‘దేశంలో ఎక్కడైనా గుర్తింపు ఉంటుంది, అది నా అదృష్టం’

సినీ నటుడు, రచయిత పోసాని కృష్ణ మురళి తనకు దేశవ్యాప్తంగా లభిస్తున్న గుర్తింపు అదృష్టంగా భావిస్తున్నారు. తెలుగు రాష్ట్రాల్లోనే కాకుండా దేశంలోని పలు ప్రాంతాల్లో ప్రజలు తనను గుర్తిస్తున్నారని చెప్పారు.

కాశ్మీర్‌కు తను, భార్య కలిసి వెళ్లినప్పుడు జరిగిన ఒక సంఘటనను గుర్తు చేసుకున్నారు. అక్కడి ముస్లిం సోదరులు తనను ‘రాజాజీ’ అని పిలిచి, షాప్‌లోకి తీసుకెళ్లి స్వీట్లు, టీ ఇచ్చి, గైడ్ చేసి పంపించారని వివరించారు. అలాంటి ఆత్మీయత చూసి ఆశ్చర్యపోయానని తెలిపారు.

రాజస్థాన్‌లో షూటింగ్ కు వెళ్లినప్పుడు పెద్ద సంఖ్యలో జనం వచ్చి తెలుగులో మాట్లాడారని, వెస్ట్ బెంగాల్‌లోనూ గుర్తింపు లభించిందని పోసాని చెప్పారు. ‘ఇండియాలో ఎక్కడికి వెళ్లినా గుర్తింపు ఉండటం నిజంగా నా అదృష్టం’ అని వ్యాఖ్యానించారు.