ప్రభాస్ 'ఫౌజీ' గ్లింప్స్ విడుదల: సిగరెట్‌తో మెషిన్ గన్ సీన్ చర్చకు

నటుడు ప్రభాస్ పుట్టినరోజు సందర్భంగా 'ఫౌజీ' సినిమా గ్లింప్స్‌ను మూవీ టీమ్ విడుదల చేసింది. హను రాఘవపూడి దర్శకత్వం వహిస్తున్న ఈ చిత్రంపై భారీ అంచనాలు ఉన్నాయి.

గ్లింప్స్ నేతాజీ సుభాష్ చంద్రబోస్, హిట్లర్ మధ్య జరిగే సంభాషణతో ప్రారంభమవుతుంది. జర్మనీ నేపథ్యంలోని ఈ సన్నివేశం ఆసక్తిని పెంచింది. ఆ తర్వాత ప్రభాస్ నోట్లో సిగరెట్ పెట్టుకుని మెషిన్ గన్ ఆపరేట్ చేస్తున్న సన్నివేశం కనిపిస్తుంది.

ఈ సన్నివేశం సోషల్ మీడియాలో చర్చకు దారితీసింది. కథ 1942 నేపథ్యంలో సాగుతోంది. ఆ కాలంలో ఫిల్టర్ సిగరెట్లు అందుబాటులో ఉండేవా అనే సందేహం వ్యక్తమవుతోంది. చరిత్ర ప్రకారం 1947కు ముందే బ్రిటిష్ పాలనలో భారత్‌లో సిగరెట్ల తయారీ, విక్రయాలు జరిగాయి. అమెరికాలో 1930లలోనే ఫిల్టర్ సిగరెట్ల విక్రయాలు మొదలైనట్లు చరిత్ర చెబుతోంది. అయితే 1942 నాటికి భారత్‌లో వాటి లభ్యత ఎంత ఉండేదనే దానిపై స్పష్టత రావాల్సి ఉంది.

గ్లింప్స్‌లో ప్రభాస్ పాత్రకు వివిధ దేశాలతో సంబంధం ఉన్నట్లు సంకేతాలు కనిపిస్తున్నాయి. ఈ చిత్రంలో నేతాజీ సుభాష్ చంద్రబోస్ పాత్రలో మరాఠీ నటుడు సుభోద్ భావే నటిస్తున్నారు. హిట్లర్ పాత్రలో బ్రిటిష్ నటుడు అయాన్ ఫెచ్లర్ కనిపిస్తున్నారు. మిథున్ చక్రవర్తి, జయప్రద కీలక పాత్రలు పోషిస్తున్నారు. హీరోయిన్‌గా ఇమాన్యు ఇస్మాయిల్ నటిస్తున్నారు. అనుపమ్ ఖేర్ కూడా ఈ చిత్రంలో నటిస్తున్నారు.

'ఫౌజీ' చిత్రాన్ని 2027 మార్చి 19న విడుదల చేస్తున్నట్లు మేకర్స్ ప్రకటించారు.