ఏ పాత్రలు రాలేదని ఎప్పుడూ బాధపడలేదు: నటుడు ప్రభాస్ శ్రీను

నటుడు ప్రభాస్ శ్రీను తాజాగా ఇచ్చిన ఇంటర్వ్యూలో ఆసక్తికర విషయాలు పంచుకున్నారు. తన కెరీర్‌లో ఎప్పుడూ ఏ పాత్ర మిస్ అయ్యాననే బాధ ఉండదని స్పష్టం చేశారు.

“నేను ఈరోజు ఏం జరుగుతుందో దానిపైనే ఫోకస్ పెడతాను. గతంలో జరిగిన దాని గురించి కానీ, రేపు ఏం జరుగుతుందో కానీ ఆలోచించను. ఇప్పటి క్షణం మాత్రమే నాకు ముఖ్యం,” అని ఆయన తెలిపారు.

అలా ప్రతి రోజు తనకు లభించిన పాత్రలను స్వీకరిస్తూ వెళ్లానని, “ఏదో ఒక పాత్ర నాకు ఉంటే బాగుండేది” అన్న ఆలోచన అసలు రాలేదని చెప్పారు. ఫిల్మ్ ఇండస్ట్రీలో ప్రతి ఒక్కరికీ ప్రాప్తం ఉన్న పాత్రే వస్తుందని, రాసిపెట్టినదే జరుగుతుందని తన అభిప్రాయం వ్యక్తం చేశారు.