ప్రకాశం జిల్లాలో పంటల బీమా ప్రీమియం గడువు జూలై 31: అధికారులు

ప్రకాశం జిల్లా వ్యవసాయ అధికారులు పంటల బీమా ప్రీమియం చెల్లింపు గడువును జూలై 31గా ప్రకటించారు. ఈ ఏడాది ఎల్‌నినో ప్రభావం వల్ల వర్షాలు తక్కువగా ఉన్నందున, పంట సాగు చేయకముందే రైతులు సెల్ఫ్ డిక్లరేషన్ ద్వారా ప్రీమియం చెల్లించవచ్చని తెలిపారు.

ప్రధానమంత్రి ఫసల్ బీమా యోజన (PMFBY) కింద వరి, కంది, సజ్జ, ఎర్రమిరప, మినుములు, నువ్వులకు బీమా వర్తిస్తుంది. వరికి ఎకరానికి ₹860, కందికి ₹430, ఎర్రమిరపకు ₹4500 ప్రీమియంగా చెల్లించాలి. నోటిఫై చేసిన ఈ ఆరు పంటలకు ప్రీమియం ఆగస్టు 15 వరకు కూడా చెల్లించొచ్చు. వాతావరణ ఆధారిత పంటల బీమా పథకం కింద ప్రత్తి పంటకు ఎకరానికి ₹2100 ప్రీమియం చెల్లిస్తే, ₹42,000 ఇన్సూరెన్స్ కవరేజీ లభిస్తుంది.

రైతులు సమీపంలోని కామన్ సర్వీస్ సెంటర్లలో ఉచితంగా బీమా నమోదు చేసుకోవచ్చు. పంట సాగు చేసిన తర్వాత వ్యవసాయ శాఖ అధికారులు క్రాప్ బుకింగ్ ద్వారా దాన్ని validated చేస్తారని అధికారులు తెలిపారు.