ప్రకాశం జిల్లా ఖరీఫ్ సాగుకు సన్నద్ధం: 72,416 హెక్టార్లలో పంట విస్తీరణం లక్ష్యం

ప్రకాశం జిల్లా వ్యవసాయ శాఖ ఈ ఏడాది ఖరీఫ్ సీజన్ కోసం సమగ్ర ప్రణాళికతో సిద్ధమైంది. సాధారణ విస్తీర్ణం కంటే 20% అధికంగా 72,416 హెక్టార్లలో పంటలు సాగు చేయాలని లక్ష్యంగా నిర్దేశించారు.

జిల్లా వ్యవసాయ అధికారి శ్రీనివాస్ మాట్లాడుతూ, కంది, పత్తి, వరి ప్రధాన పంటలుగా ఈ ప్రాంతంలో సాగవుతాయని తెలిపారు. నాగార్జునసాగర్ ప్రాజెక్టు కింద దర్శి, ఒంగోలు తదితర ప్రాంతాల్లో వరి సాగుకు అనుకూలత ఉందన్నారు. 28 మండలాలు, 372 రైతు సేవా కేంద్రాలు, 5 వ్యవసాయ ఉప విభాగాలు జిల్లాలో ఉన్నాయని వివరించారు.

ఎరువుల సరఫరా విషయంలో పశ్చిమాసియా యుద్ధ ప్రభావంపై రైతుల ఆందోళనలు నెలకొన్నాయి. అయితే, కేంద్ర, రాష్ట్ర ప్రభుత్వాలు ప్రత్యేక శ్రద్ధ తీసుకుంటున్నాయని శ్రీనివాస్ చెప్పారు. ఖరీఫ్‌కు అవసరమైన 57,468 మెట్రిక్ టన్నుల ఎరువుల్లో, జూన్ నెలకు 7,872 టన్నులు అవసరం. ఇప్పటికే 726 టన్నులు చేరాయి. గత స్టాక్లు కూడా ఉండటంతో సమస్య ఉండదని స్పష్టం చేశారు.

యంత్రాల కొరత రాకుండా, రైతులకు అండగా నిలిచేందుకు ప్రభుత్వం రాయితీ పథకాలు తీసుకొచ్చింది. జిల్లాకు 1,239 పనిముట్లు, యంత్రాలు రూ. 4.17 కోట్ల రాయితీతో అందజేస్తారు. చిన్న, సన్నకారు, ఎస్సీ, ఎస్టీ, మహిళా రైతులకు 50% సబ్సిడీ ఉంటుంది. ఆన్‌లైన్ దరఖాస్తు ద్వారా లబ్ధి పొందవచ్చని అధికారి సూచించారు.