ధరల భారంతో నిర్మాణ రంగం సంక్షోభం — బిల్డర్లు, కార్మికులు ఇబ్బందుల్లో

సిమెంట్, స్టీల్, ఇసుక, డీజిల్ ధరలు భారీగా పెరగడంతో నిర్మాణ రంగం తీవ్రమైన సంక్షోభాన్ని ఎదుర్కొంటోంది. చదరపు అడుగు నిర్మాణ వ్యయం వేల రూపాయలు పెరిగిందని బిల్డర్లు తెలిపారు.

డీజిల్ ధరల పెరుగుదలతో రవాణ ఖర్చులు రెట్టింపయ్యాయి. భారీ యంత్రాల నిర్వహణ ఖర్చులు కూడా పెరిగాయి. ముందే ఒప్పందం చేసుకున్న రేటుకే పని చేయాల్సి వస్తుండటంతో నష్టం బిల్డర్లపైనే పడుతోందని వారు చెప్పారు.

లేబర్ రేటు కూడా పెరిగింది. రోజు కూలీ ₹1,200 నుండి ₹1,400కి పెరిగిందని కార్మికులు తెలిపారు. కూలీలు, మేస్త్రీలు, వెల్డర్లు, పెయింటర్లు — అందరికీ పని తగ్గిపోతోందని నిపుణులు చెప్తున్నారు.

చాలా చోట్ల కాంట్రాక్టర్లు పనులు కొనసాగించలేకపోతున్నారు. ప్రాజెక్టులు ఆలస్యం అవుతున్నాయి. సిమెంట్, స్టీల్ ధరలు తగ్గించాలని, నిర్మాణ రంగాన్ని బలోపేతం చేయాలని బిల్డర్లు ప్రభుత్వాన్ని కోరుతున్నారు.