పెద్దపల్లి జిల్లాలో ప్రైవేట్ స్కూల్ బస్సు విద్యుత్ స్తంభాన్ని ఢీకొన్న ఘటన; విద్యార్థులు సురక్షితం

పెద్దపల్లి జిల్లా కాల్వ శ్రీరాంపూర్ మండలం మంగపేట సమీపంలో ప్రైవేట్ స్కూల్ బస్సు విద్యుత్ స్తంభాన్ని ఢీకొట్టింది. ఈ ఘటనలో బస్సులో ప్రయాణిస్తున్న 40 మంది విద్యార్థులెవరికీ తీవ్ర గాయాలు కాలేదు.

తల్లిదండ్రులు డ్రైవర్ మద్యం సేవించి బస్సు నడిపాడని ఆరోపిస్తున్నారు. ఈ నేపథ్యంలో వారు స్కూల్ యాజమాన్యంతో వాదనకు దిగి, డ్రైవర్‌పై కఠిన చర్యలు తీసుకోవాలని డిమాండ్ చేశారు.

రోడ్డు పక్కనే లోతైన గుంత ఉండడంతో బస్సు స్తంభాన్ని ఢీకొని ఆగిపోయింది. బస్సు గుంతలో పడి ఉంటే పెద్ద ప్రమాదం జరిగేదని పోలీసులు భావిస్తున్నారు. ఈ ఘటనపై కేసు నమోదు చేసి దర్యాప్తు ప్రారంభించినట్లు సమాచారం.