రాజమండ్రి మెడికో ప్రియాంక తండ్రి: సీఎం, పవన్‌ కళ్యాణ్ స్పందించలేదు

రాజమండ్రి మెడికో ప్రియాంక ప్రమాదం జరిగి ఏడు రోజులు గడిచింది. ఆమె ఆరోగ్యం విషమంగా ఉంది. ఆమె తండ్రి వెంకటేష్, ప్రభుత్వ అధినేతలు స్పందించలేదని బాధ వ్యక్తం చేశారు.

వెంకటేష్ శుక్రవారం ప్రకాష్ నగర్ పోలీస్ స్టేషన్లో ఫిర్యాదు చేసి, నిందితులు ఉద్దేశపూర్వకంగానే కారుతో తన కుమార్తె బైక్‌ను మూడు సార్లు ఢీకొట్టారని ఆరోపించారు. చంపే ప్రయత్నంగా భావించి, కేసును అత్యాయత్నం కింద నమోదు చేయాలని కోరారు. దర్యాప్తు పారదర్శకంగా ఉంటుందని, పోలీసులపై తమకు నమ్మకం ఉందని ఆయన చెప్పారు.

ఈ ఘటన పట్ల ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కల్యాణ్ నుంచి ఇప్పటివరకు ఫోన్ కాల్ లేదా సంప్రదింపులు రాలేదని, పరామర్శించడానికి ఎవరూ రాలేదని వెంకటేష్ ఆవేదన వ్యక్తం చేశారు. ప్రభుత్వం మానవత్వం చూపించి, ఇలాంటి సంఘటనలు పునరావృతం కాకుండా కఠిన చట్టాలు తీసుకురావాలని కోరారు. ప్రభుత్వం నుంచి ఇప్పటివరకు ఎలాంటి ఆర్థిక సాయం అందలేదని తెలిపారు.

జిల్లా ఎస్పీ నరసింహ కిషోర్ మాట్లాడుతూ, ఈ కేసును పారదర్శకంగా దర్యాప్తు చేస్తున్నామని, సోమవారం నిందితులను కస్టడీకి తీసుకోనున్నట్లు చెప్పారు. ప్రమాదం జరిగిన మూడు గంటల్లోనే ఎఫ్ఐఆర్ నమోదు చేశామని, ఆధారాల ఆధారంగా ఐపీసీ సెక్షన్లు మార్చే అవకాశం ఉందన్నారు. నిందితులు ఇద్దరు వైద్య విద్యార్థులుగా గుర్తించారు. ప్రియాంక ప్రస్తుతం ఆసుపత్రిలో చికిత్స పొందుతోంది.