అట్లాంటాలో ప్రొఫెసర్ జయశంకర్ జయంతి వేడుకలు

అమెరికాలోని అట్లాంటాలో ప్రొఫెసర్ జయశంకర్ జయంతి వేడుకలు నిర్వహించారు. గ్రేటర్ అట్లాంటా తెలంగాణ సొసైటీ ఆధ్వర్యంలో అధ్యక్షుడు రమణ గండ్ర, చైర్మన్ జోట్స్నా పాలకుర్తి నాయకత్వంలో ఈ కార్యక్రమం జరిగింది.

ఈ సందర్భంగా జయశంకర్ జయంతి రోజును తెలంగాణ అస్తిత్వ దినోత్సవంగా జరుపుతామని అధ్యక్షుడు రమణ గండ్ర ప్రకటించారు. కార్యక్రమానికి బీఆర్ అంబేద్కర్ ఓపెన్ యూనివర్సిటీ మాజీ వైస్ ఛాన్సలర్ కే సీతారామరావు, జయశంకర్ సోదరుడు ప్రసాద్ రావు, ఇతర కుటుంబ సభ్యులు హాజరయ్యారు.

సభలో ప్రొఫెసర్ జయశంకర్ చేసిన సేవలను స్మరించుకున్నారు. ఆయన రచనలు, ఉద్యమంలో పాత్ర గురించి ప్రసంగాలు చేశారు.