పూణే కేతన్ హత్య కేసులో కోడ్ వర్డ్, కోటి రూపాయల దాఖలాలు వెల్లడి
పూణే వ్యాపారి కేతన్ హత్య కేసులో పోలీసులు కొత్త వివరాలు బయటపెట్టారు. సియా గోయల్ కేతన్ నుంచి పెళ్లి షాపింగ్ పేరుతో కోటి రూపాయలు తీసుకున్నట్టు దర్యాప్తులో తేలింది. ఆ డబ్బు తన ప్రియుడు చేతన్ చౌదరికి ఇచ్చినట్టు పోలీసులు అనుమానిస్తున్నారు.
చేతన్ ఆర్థికంగా బలహీనంగా ఉండడంతో, అతడు సెటిల్ అయిన తర్వాత మూడేళ్ల తర్వాత పెళ్లి చేసుకోవాలని ఇద్దరూ ప్రణాళిక వేసుకున్నారు. కేతన్ ను చంపేందుకు "సిట్ డౌన్" అనే కోడ్ వర్డ్ ఫిక్స్ చేసుకున్నట్టు విచారణలో తేలింది. లోహగడ్ కోటపై కేతన్ అంచు వద్ద నిల్చున్నప్పుడు, సియా నీళ్లు తాగుతున్నట్టు లేదా షూ లేస్ కట్టుకుంటున్నట్టు కూర్చోవడం చేతన్ కు సిగ్నల్. ఈ సిగ్నల్ వచ్చాక కేతన్ ను వెనుక నుంచి తోసేయాలని ముందే నిర్ణయించారు. జూన్ 14న తొలి హత్యాయత్నం కూడా ఇదే తరహాలో చేసినట్టు గుర్తించారు.
హత్యకు కొద్ది నిమిషాల ముందు వీరి మధ్య సీక్రెట్ ఫోన్ కాల్ కూడా జరిగింది. చేతన్ టోల్ ప్లాజా రికార్డులకు దొరక్కుండా 90 కిలోమీటర్లు స్కూటర్ లో ప్రయాణించినట్టు డిజిటల్ ఆధారాలతో పోలీసులు నిర్ధారించారు. ఆ స్కూటర్ ను స్వాధీనం చేసుకున్నారు.
పక్కా ప్రణాళికతో చేసిన ఈ హత్య కేసులో మరిన్ని వివరాలు సేకరించేందుకు దర్యాప్తు కొనసాగుతోంది.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
