12 జ్యోతిర్లింగాల దర్శనం: చోటుపల్లి పుణ్యలింగేశ్వర స్వామి క్షేత్రం

తెలంగాణలోని చోటుపల్లిలో పుణ్యలింగేశ్వర స్వామి ఆలయంలో ఒకే ప్రాంగణంలో 12 జ్యోతిర్లింగాల దర్శనం లభిస్తోంది. ఇక్కడ శ్రీ జయసిద్ధి గణపతి, శ్రీ మాణిక్యం దేవి ఆలయాలు కూడా ఉన్నాయి. కుటుంబ సభ్యులందరూ ఒకేసారి జ్యోతిర్లింగాలకు అభిషేకం చేసుకోవచ్చు.

ఈ ఆలయంలో ఉచిత ప్రవేశం, గోశాల వంటి సౌకర్యాలు ఉన్నాయి. ఓ సందర్శకురాలు మాట్లాడుతూ, "12 జ్యోతిర్లింగాలు ఒకేసారి చూడటం మధ్యతరగతి కుటుంబాలకు సౌకర్యంగా ఉంటుంది. ప్రశాంతమైన వాతావరణం, కుటుంబంతో వారాంతపు ట్రిప్‌కు అనువైన ప్రదేశం" అని తెలిపారు.

ఆలయ నిర్మాణం దాతల సాయంతో జరుగుతోంది. నిర్మాణం పూర్తి కోసం ఆలయ నిర్వాహకులు మరిన్ని విరాళాలు కోరుతున్నారు.