అనపర్తిలో అభివృద్ధి కార్యక్రమాలకు శంకుస్థాపన — MP పురందేశ్వరి

తూర్పు గోదావరి జిల్లా అనపర్తిలో MP దగ్గుపాటి పురందేశ్వరి పలు అభివృద్ధి కార్యక్రమాలకు శంకుస్థాపన చేశారు. 'మన ఊరు మన జెండా' కార్యక్రమం నిర్వహించారు. ఈ కార్యక్రమంలో స్థానిక MLA నల్లిమిల్లి రామకృష్ణ రెడ్డి కూడా పాల్గొన్నారు.

దుప్పలపూడి నుండి పాపవరం వరకు సుమారు 4 కిలోమీటర్ల రోడ్డు పనులకు శంకుస్థాపన జరిగింది. ఈ రోడ్డు దీర్ఘకాలంగా నిర్లక్ష్యానికి గురైందని పురందేశ్వరి పేర్కొన్నారు.

కేంద్ర, రాష్ట్ర ప్రభుత్వాల సహకారంతో రాష్ట్రంలో అభివృద్ధి కార్యక్రమాలు ముందుకు వెళ్తున్నాయని ఆమె తెలిపారు. అనపర్తి నియోజకవర్గ అవసరాలకు అనుగుణంగా పనులు పూర్తి చేస్తామని పురందేశ్వరి చెప్పారు.