పుట్టపర్తిలో ₹15,803 కోట్ల ఏరోస్పేస్ ప్రాజెక్ట్‌కు శంకుస్థాపన

ఆంధ్రప్రదేశ్ CM చంద్రబాబు నాయుడు పుట్టపర్తిలో ₹15,803 కోట్ల ఏరోస్పేస్ ప్రాజెక్ట్‌కు శంకుస్థాపన చేశారు. ఈ ప్రాజెక్ట్ 650 ఎకరాల్లో నిర్మించనున్నారు. దీనివల్ల 7,500 మందికి ఉద్యోగాలు వస్తాయని అంచనా. స్వదేశీ సాంకేతికతతో యుద్ధ విమానాలు తయారు చేయడం ఈ ప్రాజెక్ట్ ముఖ్య లక్ష్యం.

ఈ ప్రాజెక్ట్ చాలా వేగంగా ముందుకు సాగింది. ఈ ఏడాది 9వ తేదీన రక్షణ శాఖలో చర్చలు మొదలయ్యాయి. 28వ తేదీన కేంద్ర ప్రభుత్వం అంగీకరించింది. 30వ తేదీన cabinet అనుమతి తర్వాత ఈరోజు శంకుస్థాపన జరిగింది. భవిష్యత్తులో ఈ ప్రాజెక్ట్ ద్వారా ₹1 లక్ష కోట్ల పెట్టుబడులు వచ్చే అవకాశం ఉందని అంచనా.

కర్నూల్ జిల్లాలో drone city ఏర్పాటుకు కూడా శంకుస్థాపన జరిగింది. ఎనిమిది సంస్థలు ₹686 కోట్లు పెట్టుబడి పెడుతున్నాయి. దీనివల్ల 2,500 మందికి ఉద్యోగాలు వస్తాయని అంచనా.

మడకసిర, దోనకొండలో Bharat Forge, HFCL, BDL సంస్థలు ₹2,959 కోట్లు పెట్టుబడి పెడుతున్నాయి. వీటి వల్ల 4,000–5,000 మందికి ఉద్యోగాలు వస్తాయని చంద్రబాబు తెలిపారు.

Operation Sindoor సందర్భంగా కర్నూల్ జిల్లాలో తయారైన drone ఉపయోగించినందుకు తాను సంతోషంగా ఉన్నానని చంద్రబాబు పేర్కొన్నారు. శ్రీహరికోట నుండి అంతరిక్ష రంగం, నాగాయలంక నుండి క్షిపణి రంగం, విశాఖపట్నం నుండి నౌకాదళం, పుట్టపర్తి నుండి వైమానిక రక్షణ — ఈ విధంగా ఆంధ్రప్రదేశ్ దేశానికి రక్షణ కవచంగా నిలవాలని లక్ష్యంగా పెట్టుకున్నట్లు తెలిపారు.

కర్నూల్‌లో జొన్నగిరి గోల్డ్ ఫీల్డ్ ప్రాజెక్ట్ కూడా ప్రారంభమవుతోంది. ఈ ఏడాది 600 kg బంగారం, రెండవ సంవత్సరం 1,500 kg ఉత్పత్తి చేయాలని లక్ష్యంగా పెట్టుకున్నారు. కడప steel plant జూన్‌లో ప్రారంభించి 2028 డిసెంబర్ నాటికి పూర్తి చేస్తామని చంద్రబాబు ప్రకటించారు.