కృష్ణా జిల్లాలో 3 ఎకరాల ప్రకృతి వనం — 100 రకాల మొక్కలతో ఒక పరిశ్రమవేత్త తోట

కృష్ణా జిల్లా బాపులపాడు మండలం హనుమాన్ జంక్షన్‌లో పరిశ్రమవేత్త పుట్టగుంట సతీష్ మూడు ఎకరాల వ్యవసాయ భూమిని ప్రకృతి వనంగా తీర్చిదిద్దారు. ఐదేళ్ల క్రితం మొదలైన ఈ తోటలో ఇప్పుడు సుమారు 100 రకాల మొక్కలు ఉన్నాయి.

పండ్ల మొక్కలు, పూల మొక్కలు, కూరగాయలు, ఔషధ మొక్కలు ఇక్కడ పెంచుతున్నారు. 12 రకాల మామిడి జాతులు, అవకాడో, మియా జాకి మామిడి, చెర్రీ తదితర దేశీ-విదేశీ రకాలు ఉన్నాయి. కడియం నుండి, పూణే నుండి మొక్కలు తెప్పించారు. రుద్రాక్ష చెట్లు మూడు ఉన్నాయని, కాపు బాగా వస్తోందని సతీష్ తెలిపారు.

ఇప్పుడు 80 శాతం మొక్కలు కాపుకొచ్చాయని సతీష్ చెప్పారు. పండు రాలిన తర్వాతే తీసుకోవడం తన పద్ధతి అని ఆయన తెలిపారు. కొబ్బరి చెట్లు 20కి పైగా ఉన్నాయి.

వ్యవసాయంతో పాటు పశుపోషణ కూడా చేస్తున్నారు. పొంగనూరు, కపిల, గిర్, షాహీవాల్ తదితర జాతులకు చెందిన సుమారు 25 ఆవులు ఉన్నాయి. రసాయన ఎరువులు వాడకుండా సహజ వ్యవసాయ పద్ధతులు అనుసరిస్తున్నారు.

తన తల్లిదండ్రుల కోసం సింపుల్‌గా 10 మొక్కలతో మొదలుపెట్టానని, అది క్రమంగా పెద్ద తోటగా మారిందని సతీష్ చెప్పారు. తోటలో వాటర్ ఫౌంటైన్, ప్రత్యేక గడ్డి కూడా ఏర్పాటు చేశారు.