23 వేల ప్రభుత్వ పాఠశాలల మూసివేతపై R. కృష్ణయ్య ఆందోళన హెచ్చరిక

తెలంగాణలో 23,000 ప్రభుత్వ పాఠశాలలను మూసివేసి 4,000 మాత్రమే కొనసాగించాలనే ప్రతిపాదనపై SC, ST, BC వర్గాల నేత R. కృష్ణయ్య తీవ్ర స్థాయి నిరసన హెచ్చరిక చేశారు. ఈ విషయాన్ని నీటి ఆయోగ సమావేశంలో మాట్లాడినట్టు ఆయన ఆరోపించారు.

కృష్ణయ్య మాట్లాడుతూ, ఈ ప్రతిపాదనపై ముఖ్యమంత్రి రేవంత్ రెడ్డి వెంటనే నిర్ణయం ఉపసంహరించుకోవాలని డిమాండ్ చేశారు. లేనిపక్షంలో రాష్ట్రంలో పెద్ద ఎత్తున ఆందోళనలు చేపడతామని హెచ్చరించారు.

1979 నుంచి ప్రతి గ్రామంలో హైస్కూల్, మాధ్యమిక పాఠశాలల ఏర్పాటు కోసం అనేక పోరాటాలు జరిగాయని కృష్ణయ్య గుర్తుచేశారు. పేద వర్గాల, SC, ST, BC విద్యార్థులకు ఇంటి దగ్గరే విద్య అందించడానికి ఈ పాఠశాలలు ఎంతో కీలకమన్నారు.

విద్యారంగంలో ప్రస్తుత ప్రభుత్వం కొత్త హాస్టళ్లు, గురుకులాలు, యూనివర్సిటీలు ఏర్పాటు చేయలేదని, పైగా ఉన్న స్కూళ్లను రద్దు చేస్తామనడంలో ఔచిత్యం లేదని కృష్ణయ్య విమర్శించారు. ఈ నిర్ణయాన్ని రేవంత్ రెడ్డి మద్దతుదారులు కూడా వ్యతిరేకిస్తారని అన్నారు.

ఈ విషయంపై తెలంగాణ ప్రభుత్వం నుంచి అధికారిక స్పందన రావాల్సి ఉంది.