రాధా గాయత్రి హత్య కేసు: భర్త శ్రీచరణ్ విశాఖ హోటల్ నుంచి అర్ధరాత్రి పరారీ

ఆంధ్రప్రదేశ్‌లోని కపట్ణానికి చెందిన రాధా గాయత్రి మృతి కేసులో ఆమె భర్త శ్రీచరణ్ సోమయాజులపై ముసోరి పోలీసులు హత్య కేసు నమోదు చేశారు. రాధా గాయత్రి ఉత్తరాఖండ్‌లోని ముసోరీలో ఇటీవల అనుమానాస్పద పరిస్థితుల్లో మృతి చెందారు.

మృతురాలి తండ్రి పారుపూడి సుధాకర్ ఫిర్యాదు మేరకు పోలీసులు బీఎన్ఎస్ సెక్షన్ 103 కింద శ్రీచరణ్‌పై కేసు నమోదు చేసి దర్యాప్తు వేగవంతం చేశారు. కేసు నమోదు వార్త బయటికి రావడంతో, విశాఖపట్నంలోని సింహాచలం మారుతి హోటల్‌లో ఉన్న శ్రీచరణ్ అర్ధరాత్రి బిల్లు చెల్లించకుండా పరారయ్యారు.

శ్రీచరణ్ కోసం పోలీసులు గాలింపు చర్యలు ముమ్మరం చేశారు. ఆయన ఆర్థిక లావాదేవీలు, హోటల్ సీసీటీవీ ఫుటేజీ, ఫోన్ కాల్ రికార్డులను పరిశీలిస్తున్నారు. మృతురాలి తండ్రి మాట్లాడుతూ, కొన్ని మీడియా కథనాల్లో వచ్చిన మద్యం అంశంపై స్పందించారు. తాను ముసోరి హోటల్‌ను సంప్రదించగా, అక్కడ ఎలాంటి మద్యం అందించలేదని, లోపల సేవించడాన్ని అనుమతించమని యాజమాన్యం తెలిపిందని ఆయన వివరించారు. పోలీసులు కేసును లోతుగా దర్యాప్తు చేస్తున్నారు.