కూకట్పల్లిలో రాధారంగ మిత్ర మండలి ట్రస్ట్ ప్రమాణ స్వీకారం; కృష్ణా జిల్లాకు మోహన్ రంగా పేరుపై డిమాండ్

హైదరాబాద్‌లోని కూకట్‌పల్లిలో ఆంధ్ర తెలంగాణ రాధారంగ మిత్ర మండలి చారిటబుల్ ట్రస్ట్ సామూహిక ప్రమాణ స్వీకార కార్యక్రమం జరిగింది. ఆంధ్రప్రదేశ్, తెలంగాణ నుంచి దాదాపు 400 మంది సభ్యులు ఈ కార్యక్రమంలో పాల్గొని ప్రమాణ స్వీకారం చేశారు.

ట్రస్ట్ వ్యవస్థాపక అధ్యక్షుడు కలపాలెం బుజ్జి ఆధ్వర్యంలో జరిగిన ఈ వేడుకలో, దివంగత నేత వంగవేటి మోహన్ రంగా ఆశయాలను ముందుకు తీసుకెళ్తామని నిర్వాహకులు తెలిపారు. కుల, మత, రాజకీయాలకు అతీతంగా సేవ చేయడమే ట్రస్ట్ లక్ష్యమని వారు పేర్కొన్నారు.

ఈ సందర్భంగా మాట్లాడిన ట్రస్ట్ ప్రతినిధులు కృష్ణా జిల్లాకు వంగవేటి మోహన్ రంగా పేరు పెట్టాలని డిమాండ్ చేశారు. అలాగే ట్రస్ట్ ద్వారా ఇప్పటికే పలు ప్రాంతాల్లో మోహన్ రంగాతోపాటు గాంధీ, అంబేద్కర్, జ్యోతిరావు ఫూలే వంటి నాయకుల విగ్రహాలను ఉచితంగా ఏర్పాటు చేస్తున్నట్లు చెప్పారు.