INDIA కూటమి ఐక్యంగా ఉంటే బీజేపీని ఓడించడం సులభం: రాహుల్ గాంధీ

INDIA కూటమి సమావేశంలో రాహుల్ గాంధీ మాట్లాడుతూ ప్రతిపక్ష పార్టీలు ఐక్యంగా ఉంటే బీజేపీని ఓడించడం చాలా సులభమని అన్నారు. ఎన్నికలు స్వేచ్ఛగా, నిష్పక్షపాతంగా జరగకపోతే అది పెద్ద సమస్య అవుతుందని ఆయన అభిప్రాయపడ్డారు.

ప్రతిపక్షాల మధ్య సమన్వయం లేదన్న ఆరోపణలను రాహుల్ తోసిపుచ్చారు. అవన్నీ బీజేపీ సృష్టించిన అపోహలే తప్ప నిజం కాదని అన్నారు. దేశం అనే భావన కోసం కలిసి పని చేయాల్సిన సమయం ఇదే అని ఆయన పేర్కొన్నారు.

తమిళనాడులో కాంగ్రెస్-టీవీకే పొత్తును నిరసిస్తూ డీఎంకే ఈ సమావేశాన్ని బహిష్కరించిన విషయాన్ని రాహుల్ ప్రస్తావించారు. తనపై లేదా కాంగ్రెస్ పార్టీపై మిత్రపక్షాలు చేసే విమర్శలను చిరునవ్వుతో స్వీకరిస్తానని అన్నారు.