రాయలసీమలో వర్షాల కోసం ప్రత్యేక పూజలు, చిత్తూరు, కర్నూలులో కురిసిన వాన

రాయలసీమ జిల్లాల్లో వర్షాభావ పరిస్థితుల నేపథ్యంలో రైతులు, గ్రామస్తులు వర్షం కోసం ప్రత్యేక పూజలు చేస్తున్నారు.

చిత్తూరు జిల్లా కుప్పం మండలం అడవి బుడుగూరు గ్రామంలో చెరువు ఒడ్డున వలస దేవర పూజలు నిర్వహించారు. ఊరి ప్రజలంతా ఇంటికి తాళం వేసి చెరువు వద్దకు చేరుకుని ప్రార్థనలు చేశారు. వారి నమ్మకం ప్రకారం ఈ పూజలు చేస్తే వర్షాలు దండిగా కురుస్తాయని భావిస్తున్నారు. పూజల సమయంలోనే బలమైన వర్షం కురవడంతో గ్రామస్తులు సంతోషం వ్యక్తం చేశారు.

కర్నూలు జిల్లా ఆలూరు గ్రామంలో మహిళలు బ్యాండ్ బాజాలతో మంగళాంజనేయ స్వామి గుడి నుంచి అమ్మవారి గుడి వరకు ఊరేగింపుగా వెళ్లి అమ్మవారికి సారె సమర్పించారు. వర్షాల కోసం భజనలు, ప్రార్థనలు చేశారు. రాయలసీమ ప్రజలు వర్షం కురవాలని వివిధ ఆచారాలు చేస్తున్నారు.