రాజమండ్రిలో మద్యం తాగి కారు నడిపి మెడికల్ స్టూడెంట్‌కు తీవ్ర గాయాలు: DSP

రాజమండ్రిలో ఈ నెల 3న మద్యం సేవించి నడిపిన కారు బైక్‌ను ఢీకొట్టడంతో ఇద్దరు వ్యక్తులు గాయపడ్డారు. ఈ ఘటనలో తీవ్రంగా గాయపడిన ఓ మెడికల్ స్టూడెంట్ ప్రస్తుతం వెంటిలేటర్ పై చికిత్స పొందుతోంది.

రాజమండ్రి DSP తెలిపిన వివరాల ప్రకారం, దశవంత్, ఆండ్రూ జోసెఫ్ అనే ఇద్దరు మద్యం సేవించి సినిమాకు వచ్చారు. సిబ్బందితో గొడవ పడడంతో లోపలికి అనుమతి లభించలేదు. తర్వాత వారు నిర్లక్ష్యంగా కారు నడిపి, సినిమా చూసి ఇంటికి తిరిగి వెళ్తున్న ఇద్దరు వ్యక్తులను ఢీకొట్టారు.

బైక్ నడుపుతున్న వ్యక్తికి స్వల్ప గాయాలు కాగా, వెనుక కూర్చున్న మెడికల్ స్టూడెంట్‌కు తీవ్రమైన గాయాలయ్యాయి. ఆమెను వెంటనే ఆసుపత్రికి తరలించారు. సీసీటీవీ ఫుటేజ్‌లో నిందితులు మద్యం సేవించినట్లు కనిపించింది. IPC సెక్షన్ 338 కింద కేసు నమోదు చేసిన పోలీసులు, మెడికల్ రిపోర్ట్ ఆధారంగా 308 కూడా జోడించే అవకాశం ఉందని DSP తెలిపారు. నిందితులు పరారీలో ఉండగా, పోలీసులు వారి కోసం గాలింపు చేస్తున్నారు.