రాజమండ్రిలో పైలట్ శిక్షణా అకాడమీ: అర్హతలు, ఫీజు వివరాలు ఇవీ

ఆంధ్రప్రదేశ్ లోని రాజమండ్రిలో ఒక కొత్త పైలట్ శిక్షణా అకాడమీని ఏర్పాటు చేస్తున్నారు. ఈ సంవత్సరం సెప్టెంబర్ నాటికి భవనాలు, హ్యాంగర్, అడ్మినిస్ట్రేటివ్ బ్లాక్, ఆప్రోన్ నిర్మాణం పూర్తి చేసి, విమానాలను సైతం రాజమండ్రికి తీసుకురావాలని లక్ష్యంగా పెట్టుకున్నారు.

ఈ అకాడమీలో కమర్షియల్ పైలట్ లైసెన్స్ (CPL) శిక్షణ ఇస్తారు. ప్రతి విద్యార్థి 200 గంటల ఫ్లయింగ్ ఇక్కడ పూర్తి చేయాల్సి ఉంటుంది. శిక్షణ తర్వాత లైసెన్స్ పొంది ఉద్యోగాలకు వెళ్లవచ్చు.

పైలట్ కావడానికి కనీస అర్హత ఇంటర్మీడియట్ (10+2) మ్యాథ్స్, ఫిజిక్స్ సబ్జెక్ట్‌లతో ఉత్తీర్ణత. దాని తర్వాత స్క్రీనింగ్, మెడికల్ ప్రక్రియ ఉంటుంది. ఆ తర్వాత అకాడమీలో ప్రవేశం లభిస్తుంది.

కోర్సు మొత్తం ఫీజు 62 లక్షల రూపాయల వరకు ఉంటుందని అకాడమీ ప్రతినిధులు తెలిపారు. ఈ ఫీజులో విమానాల వినియోగం నుంచి లైసెన్స్ పొందే వరకు అన్నీ కలిసి ఉంటాయి.

సంవత్సరానికి మొదటి సంవత్సరం 35 మంది విద్యార్థులను లక్ష్యంగా పెట్టుకున్నారు. రెండో సంవత్సరం 70, మూడో సంవత్సరం 100 మందికి పెంచాలన్న లక్ష్యం ఉంది.

భవిష్యత్తులో క్యాబిన్ క్రూ, గ్రౌండ్ హ్యాండిలింగ్, ఫ్లైట్ సేఫ్టీ వంటి ఎనిమిది విభిన్న కోర్సులు కూడా ప్రారంభించాలని ప్రణాళిక ఉంది. ఈ కోర్సులను B.Sc., BBA, MBA ప్రోగ్రామ్ కింద అందించేందుకు ప్రభుత్వానికి ప్రతిపాదనలు సమర్పించినట్లు తెలిపారు. వచ్చే ఏడాది నాటికి 200 నుంచి 300 మందికి శిక్షణ ఇచ్చే సామర్థ్యం లక్ష్యంగా పెట్టుకున్నారు.