రామాయణ సినిమాపై రాజమౌళి ప్రశంసలు: యష్, రణ్బీర్, సాయి పల్లవి నటనకు మెచ్చుకోలు

నితీష్ తివారి దర్శకత్వంలో తెరకెక్కుతున్న రామాయణ సినిమాను దర్శకుడు ఎస్.ఎస్. రాజమౌళి చూశారు. సినిమా విజువల్స్, మేకింగ్ స్థాయిని ఆయన ప్రత్యేకంగా ప్రశంసించారు.

బిగ్ స్క్రీన్ మీద ఒక కొత్త విజువల్ వండర్ చూశానని రాజమౌళి అన్నారు. విజువల్స్, మేకింగ్ స్కేల్ చూసి తాను ఆశ్చర్యపోయానని తెలిపారు.

రావణుడి పాత్రలో నటుడు యష్ నటనపై రాజమౌళి స్పందించారు. యష్ ఎంట్రీ, ఆహార్యం, ఆయన నటన భయపెట్టేలా ఉన్నాయని ఆయన చెప్పారు. రావణుడి పాత్రలో యష్ తెచ్చిన గంభీర్యం సినిమాకే హైలైట్ అని అన్నారు.

శ్రీరాముడిగా రణ్బీర్ కపూర్ నటన ప్రశాంతంగా, తేజస్సుతో ఆకట్టుకుంటుందని రాజమౌళి అన్నారు. వనవాసం ఘట్టం నుంచి ఆయన నటనలో కనిపించే మార్పులు ఆకట్టుకుంటాయని మెచ్చుకున్నారు. సీతాదేవి పాత్రలో సాయి పల్లవి సహజ నటనను, హుందాతనాన్ని అభినందించారు.

ప్రీ క్లైమాక్స్, క్లైమాక్స్ సన్నివేశాలు బాగా వచ్చాయని రాజమౌళి తెలిపారు. దర్శకుడు నితీష్ తివారి, నిర్మాత నమిత్ మల్హోత్రా, సినిమా టీమ్ ను ఆయన అభినందించారు.

ఈ ప్రశంసల తర్వాత రామాయణ సినిమాపై ఉన్న ఆసక్తి మరింత పెరిగింది.