రాజన్న సిరిసిల్ల రైతులకు వర్షాలు లేక బెట్టు ఇబ్బంది.. ట్యాంకర్లతో పొలాలకు నీరు

రాజన్న సిరిసిల్ల జిల్లాలో వర్షాలు కురవకపోవడంతో రైతులు తీవ్ర ఇబ్బందులు ఎదుర్కొంటున్నారు. నీటి కోసం ట్రాక్టర్లు, ట్యాంకర్ల ద్వారా పొలాలకు నీరు తీసుకెళ్తున్నారు.

వర్షాకాలం ప్రారంభమై నెల రోజులు గడిచినా ఇంకా సరైన వర్షాలు కురవలేదు. దీంతో విత్తనాలు మొలకెత్తడం లేదని, పంటలు ఎండిపోతున్నాయని రైతులు చెబుతున్నారు.

ఓ రైతు మాట్లాడుతూ, '13 బస్తాల విత్తనాలు వేసినా ఫలితం లేదు. మళ్లీ 13 బస్తాలు వేశాం. ఇప్పుడు మళ్లీ విత్తనాలు వేస్తున్నాం. నీటి ట్యాంకర్లపై ఆధారపడాల్సి వస్తోంది. ఒక్కో ట్యాంకర్‌కు రూ.1,500 ఖర్చవుతోంది' అని తెలిపారు.

రోహిణి, మృగశీర, ఆరుద్ర కార్తీలు దాటినా వర్షం పడకపోవడంతో పంటలు నాశనమయ్యే ప్రమాదం ఉందని రైతులు ఆందోళన వ్యక్తం చేస్తున్నారు.