రజనీకాంత్ స్వీయ చరిత్ర రచన ప్రారంభం.. బయోపిక్ పై ఇంకా స్పష్టత లేదు

నటుడు రజనీకాంత్ తన ఆత్మకథ రాసే పనిని మొదలుపెట్టారని ఆయన కుమార్తె ఐశ్వర్య తెలిపారు. ఇటీవల 'జైలర్' షూటింగ్ పూర్తి చేసుకున్న రజనీకాంత్ విశ్రాంతి కోసం ఊటి వెళ్లిన సమయంలో ఈ రచన ప్రారంభించారు.

కొన్నేళ్లుగా రజనీకాంత్ జీవితం ఆధారంగా బయోపిక్ వస్తుందనే ప్రచారం సాగుతోంది. గతంలో దర్శకుడు లింగుస్వామి ధనుష్తో ఈ సినిమా తీయాలని ప్రకటించినా ఆ ప్రాజెక్ట్ ముందుకు సాగలేదు. ప్రస్తుతం దర్శకుడిగా ఎవరూ ఖరారు కాలేదు.

బయోపిక్ లో రజనీకాంత్ పాత్ర ఎవరు పోషిస్తారనేది కూడా అస్పష్టంగానే ఉంది. ధనుష్ పేరు ముందు వినిపించినా అది కార్యరూపం దాల్చలేదు. రజనీకాంత్ స్వయంగా తన బయోపిక్‌లో నటిస్తే చూడాలని కొందరు అభిమానులు కోరుతున్నారు. ఆయన స్వీయ చరిత్ర పూర్తయ్యాక బయోపిక్‌గా రూపుదిద్దుకునే అవకాశం ఉంది.