డ్రోన్లు, సైబర్ ముప్పులతో యుద్ధాల స్వభావం మారింది: రక్షణ మంత్రి రాజ్నాథ్ సింగ్

రక్షణ మంత్రి రాజ్నాథ్ సింగ్ శనివారం మేఘాలయలోని షిలాంగ్లో ఈస్టర్న్ ఎయిర్ కమాండ్ కార్యక్రమంలో ప్రసంగించారు.

ఈ సందర్భంగా ఆయన మాట్లాడుతూ, ఇటీవలి కాలంలో యుద్ధాల స్వభావంలో భారీ మార్పులు వచ్చాయని చెప్పారు. హైబ్రిడ్ ముప్పులు, సైబర్ సవాళ్లు, ఇన్ఫర్మేషన్ వార్ఫేర్, లాజిస్టిక్స్, సప్లై చైన్ డైనమిక్స్, డ్రోన్ల వినియోగం వంటివి ఇప్పుడు యుద్ధాల్లో కీలక అంశాలుగా మారాయని వివరించారు.

సైనిక సన్నద్ధతలో సమూల మార్పులు అవసరమని ఆయన అన్నారు. భారత భద్రతా వ్యూహంలో ఈశాన్య ప్రాంతం కీలకమని, దేశ భౌగోళిక రాజకీయాల్లో, యాక్టివస్ట్ విధానంలోనూ ఈ ప్రాంతం ప్రాముఖ్యతను కలిగి ఉందని తెలిపారు.

సరిహద్దులు, నదులు, సంస్కృతి ఇక్కడ లోతుగా ముడిపడి ఉన్నాయని, జాతీయ భద్రతలో తూర్పు కమాండ్ కీలకమని ఆయన స్పష్టం చేశారు.