రాఖీ పౌర్ణమి 2026: ఆగస్టు 28 ముహూర్తాలు, వరలక్ష్మీ వ్రతం టైమింగ్స్

2026 ఆగస్టు 28 శుక్రవారం రాఖీ పౌర్ణమి వస్తోంది. ఈ రోజు రాఖీ కట్టుకునే సమయాలను ధర్మశాస్త్ర గ్రంథాల ఆధారంగా వివరించారు. అదే రోజు వరలక్ష్మీ వ్రతం చేసుకునే వారికీ కొన్ని ముహూర్తాలు ఉన్నాయి.

పౌర్ణమి తిథి ఆగస్టు 27 గురువారం ఉదయం 9:07 గంటలకు ప్రారంభమవుతుంది. ఆగస్టు 28 శుక్రవారం ఉదయం 9:46 గంటలకు పౌర్ణమి ముగుస్తుంది. ఆగస్టు 28వ తేదీ సూర్యోదయం తర్వాత భద్రకాలం లేదు. దీంతో సూర్యోదయం తర్వాత ఎప్పుడైనా రాఖీ కట్టుకోవచ్చని తెలిపారు.

ఆగస్టు 28న రాఖీ కట్టుకునే వారికి మధ్యాహ్నం 12:20 నుంచి 12:30 మధ్య సమయం ఉత్తమమని పేర్కొన్నారు. రాత్రి 7:43 నుంచి 9:23 వరకు అమృతకాలం కూడా మంచి సమయమని వివరించారు. కొన్ని గ్రంథాల ప్రకారం ఆగస్టు 27 గురువారం కూడా రాఖీ కట్టుకోవచ్చు. ఆ రోజు ఉదయం 11:52 నుంచి మధ్యాహ్నం 12:42 వరకు అభిజిత్ ముహూర్తం ఉంది.

వరలక్ష్మీ వ్రతం ఆగస్టు 21న చేసుకోలేని వారు ఆగస్టు 28న చేసుకోవచ్చు. ఈ పూజకు ఉదయం 8:20 లోపు చేసుకోవడం మంచిదని చెప్పారు. వీలు కాని వారు ఉదయం 9:30 నుంచి 9:40 మధ్య దీపారాధన చేసుకోవచ్చు. సాయంత్రం 7:43 నుంచి రాత్రి 9:23 మధ్య కూడా వ్రతం చేసుకోవచ్చు.