ఉత్తరాఖండ్లో సోదరుడి కాల్పులు: ఇద్దరు సోదరీమణులు మృతి

ఉత్తరాఖండ్లో ఓ సోదరుడు తన ఇద్దరు సోదరీమణులను కాల్చి చంపాడు. అడ్డుకు వచ్చిన బావను కూడా కాల్చాడు. బావ పరిస్థితి విషమంగా ఉంది. రక్షా బంధన్ పండుగకు రెండు రోజుల ముందు ఈ ఘటన జరిగింది.

పోలీసుల కథనం ప్రకారం, నిందితుడు వివేక్ కుమార్ మొదట సోదరి పుష్ప ఇంటికి వెళ్లాడు. ఆమెను తుపాకీతో కాల్చి చంపాడు. ఆ తర్వాత మరో సోదరి శకుంతల ఇంటికి వెళ్లాడు. అక్కడ శకుంతలతో పాటు బావపై కూడా కాల్పులు జరిపాడు.

శకుంతల ఘటనాస్థలంలోనే మృతి చెందింది. బావ తీవ్రంగా గాయపడ్డారు. స్థానికుల సమాచారంతో పోలీసులు ఘటనాస్థలానికి చేరుకున్నారు. దర్యాప్తు ప్రారంభించారు.

హత్యలకు గల కారణాలు తెలియరాలేదని పోలీసులు తెలిపారు. నిందితుడు అక్కడి నుంచి పరారయ్యాడు. అతడిని పట్టుకునేందుకు ప్రత్యేక బృందాలతో గాలిస్తున్నట్లు పోలీసులు వెల్లడించారు.