రామ్ చరణ్ 'పెద్ది' తొలివారం ₹340 కోట్లు వసూలు, రీ ఎడిట్ వెర్షన్ శనివారం నుంచి

నటుడు రామ్ చరణ్ నటించిన 'పెద్ది' సినిమా విడుదలై ఒక వారం పూర్తయింది. ఈ తొలి వారంలో సినిమా ప్రపంచవ్యాప్తంగా ₹340 కోట్లకు పైగా వసూలు చేసింది.

నైజాం ప్రాంతం నుంచి అత్యధికంగా ₹70 కోట్లు, తెలుగు రాష్ట్రాల నుంచి భారీ వసూళ్లు వచ్చాయి. కర్ణాటకలో ₹25 కోట్లు, హిందీ వెర్షన్ ద్వారా ₹20 కోట్లు, ఓవర్సీస్ మార్కెట్ నుంచి ₹46 కోట్లు రాబట్టినట్లు సమాచారం. రామ్ చరణ్ కెరీర్‌లో ఓవర్సీస్ వసూళ్లు ఇవే అత్యధికం.

ఇదిలావుండగా, సినిమాను రీ ఎడిట్ చేసి శనివారం నుంచి కొత్త వెర్షన్‌ను విడుదల చేయాలని చిత్ర యూనిట్ నిర్ణయించినట్లు సమాచారం. ఈ నూతన వెర్షన్‌లో జాన్వి కపూర్ పై కొన్ని అభ్యంతరకర సన్నివేశాలు తొలగించి, జగపతి బాబు సన్నివేశాలను చేర్చనున్నారు. అలాగే సినిమాను రీసెన్సార్ కూడా చేయించబోతున్నారు. హిందీ ప్రేక్షకులను ఆకర్షించడమే ఈ మార్పుల లక్ష్యమని ప్రచారం జరుగుతోంది.