రామ్ చరణ్, సుకుమార్ కాంబినేషన్లో RC 17 రెగ్యులర్ షూటింగ్ దసరా తర్వాతే

నటుడు రామ్ చరణ్, దర్శకుడు సుకుమార్ కాంబినేషన్లో రూపొందనున్న చిత్రం RC 17 (వర్కింగ్ టైటిల్) షూటింగ్ త్వరలో ప్రారంభం కానుంది. అయితే రెగ్యులర్ షూటింగ్ మాత్రం దసరా పండుగ తర్వాతే మొదలయ్యే అవకాశం ఉందని సమాచారం.

రామ్ చరణ్ ఇటీవల ఓ చిత్ర షూటింగ్ సమయంలో చేతికి గాయమైంది. దీంతో ఆయన చేతికి శస్త్రచికిత్స చేయించుకోనున్నారు. సర్జరీ తర్వాత కనీసం 2-3 నెలల పాటు పూర్తి విశ్రాంతి అవసరమని వైద్యులు సూచించినట్లు తెలిసింది.

ఈ గ్యాప్‌లో సుకుమార్ RC 17 ప్రీ ప్రొడక్షన్ పనులు పూర్తి చేయనున్నారు. కథ, లొకేషన్ వేట, ఇతర సాంకేతిక పనులకు దసరా వరకు సమయం పడుతుంది. సినీ వర్గాల్లో ఈ చిత్రంపై భారీ అంచనాలు ఉన్నాయి. ఈ విషయంపై నిర్మాతల నుంచి అధికారిక ప్రకటన రావాల్సి ఉంది.