భోగాపురం విమానాశ్రయం ప్రారంభోత్సవంపై కేంద్ర మంత్రి రామ్మోహన్ నాయుడు వీడియో విడుదల

కేంద్ర పౌర విమానయాన శాఖ మంత్రి రామ్మోహన్ నాయుడు భోగాపురం విమానాశ్రయం ప్రారంభోత్సవం సందర్భంగా ప్రత్యేక వీడియో సందేశం విడుదల చేశారు. విజయనగరం జిల్లా భోగాపురం వద్ద నిర్మించిన ఈ గ్రీన్ ఫీల్డ్ విమానాశ్రయం త్వరలో ప్రారంభం కానుంది. విశాఖపట్నానికి సమీపంలో ఉన్న ఈ ఎయిర్పోర్ట్ ఉత్తరాంధ్ర అభివృద్ధికి ఒక మైలురాయిగా నిలుస్తుందని మంత్రి పేర్కొన్నారు.

వీడియోలో మంత్రి ఉత్తరాంధ్ర ప్రజలందరినీ ప్రారంభోత్సవ కార్యక్రమానికి ఆహ్వానించారు. అందరూ కలిసి ఈ కార్యక్రమాన్ని విజయవంతం చేయాలని కోరారు. ఈ ఎయిర్పోర్ట్ ద్వారా స్థానిక యువతకు వేలాది ఉద్యోగ అవకాశాలు లభిస్తాయని, ప్రాంతీయ ఆర్థిక వ్యవస్థ బలోపేతం అవుతుందని ఆయన తెలిపారు. చిరకాలంగా ఎదురుచూస్తున్న ఈ ప్రాజెక్ట్ పూర్తయి ప్రారంభానికి సిద్ధమైనందుకు సంతోషం వ్యక్తం చేశారు.