గ్రామీణ విద్యకు నిదర్శనం: విజయనగరం జిల్లాలో రామా స్కూల్ ఆఫ్ ఎక్సలెన్స్

విజయనగరం జిల్లా జామి మండలం విజయనగిరి గ్రామంలో రామా స్కూల్ ఆఫ్ ఎక్సలెన్స్ నడుస్తోంది. ఆరు ఎకరాల ప్రాంగణంలో LKG నుంచి 10వ తరగతి వరకు 760 మంది విద్యార్థులు చదువుతున్నారు. చుట్టుపక్కల 25 గ్రామాల నుంచి పిల్లలు ఇక్కడికి వస్తున్నారు.

యోగాచార్య రాపర్తి రామారావు 1993లో స్థానికంగా యోగాశ్రమం ప్రారంభించారు. 2000వ సంవత్సరంలో రామ్లాల్ ప్రభూజీ ఎడ్యుకేషన్ ట్రస్ట్ స్థాపించారు. ఆరుగురు పిల్లలతో మొదలైన గురుకులం 2010 నాటికి ప్రాథమిక పాఠశాలగా, 2018 నాటికి ఉన్నత పాఠశాలగా మారింది.

పాఠశాలలో 34 మంది అర్హులైన ఉపాధ్యాయులు పనిచేస్తున్నారు. 54 కంప్యూటర్లతో digital lab, science lab, robotics lab, library సౌకర్యాలు ఉన్నాయి. గడచిన ఐదేళ్లుగా 10వ తరగతిలో 100% pass percentage నమోదవుతోంది. అత్యధిక విద్యార్థులు 90% మార్కులతో ఉత్తీర్ణులవుతున్నారు.

ఆర్థికంగా వెనకబడిన కుటుంబాలకు, తల్లి లేదా తండ్రి లేని పిల్లలకు ప్రత్యేక fee తగ్గింపు అందిస్తారు. 6వ నుంచి 9వ తరగతి వరకు IIT foundation course, నవోదయ, సైనిక్ స్కూల్ ప్రవేశాలకు ప్రత్యేక శిక్షణ ఇస్తున్నారు. హాస్టల్‌లో 250 మంది విద్యార్థులు నివసిస్తున్నారు.

విశాఖపట్నంకు చెందిన RBR గ్రూప్ చైర్మన్ రాయుల వెంకటేశ్వరరావు CSR నిధులతో పాఠశాల మౌలిక వసతులు మెరుగుపర్చారు. విద్యార్థులతో పాటు ఉపాధ్యాయులు, సిబ్బంది కూడా uniform ధరిస్తారు.