ప్రమాణం చేసిన రెండు రోజులకే మంత్రి రామలింగారెడ్డి రాజీనామా

కర్ణాటక రాష్ట్ర మంత్రి రామలింగారెడ్డి పదవికి రాజీనామా చేశారు. రెండు రోజుల క్రితం జరిగిన మంత్రివర్గ విస్తరణలో ఆయన ప్రమాణ స్వీకారం చేశారు. కానీ నీటిపారుదల శాఖ బాధ్యతలు అప్పగించడంతో ఆయన అసంతృప్తి వ్యక్తం చేశారు.

రామలింగారెడ్డి పట్టణాభివృద్ధి శాఖ కావాలని పట్టుబట్టారు. అయితే ఆ శాఖను ముఖ్యమంత్రి సిద్ధరామయ్య కుమారుడు యతీంద్రకు కేటాయించారు. రామలింగారెడ్డి తనకు నీటి పారుదల శాఖ ఇష్టం లేదని, పట్టణాభివృద్ధి శాఖ ఇవ్వకపోతే రాజీనామా చేస్తానని హెచ్చరించారు.

చెప్పినట్లుగానే ఆయన శుక్రవారం ఉదయం రాజీనామా లేఖను డిప్యూటీ ముఖ్యమంత్రి డీకే శివకుమార్‌కు పంపారు. 53 ఏళ్లుగా కాంగ్రెస్‌లో కొనసాగుతున్న రామలింగారెడ్డి, తొమ్మిది సార్లు ఎమ్మెల్యేగా గెలిచిన సీనియర్ నేత. తనకు ఎలాంటి మంత్రి పదవి వద్దని, ఎమ్మెల్యేగా పార్టీకి కొనసాగుతానని ఆయన స్పష్టం చేశారు.

కర్ణాటక కాంగ్రెస్‌లో ఈ అకస్మాత్తు పరిణామం కలకలం రేపింది. ఇవాళ రాహుల్ గాంధీ బెంగళూరుకు రానున్న నేపథ్యంలో, రామలింగారెడ్డిని బుజ్జగించే ప్రయత్నం జరిగే అవకాశం ఉంది. కాంగ్రెస్ అధిష్టానం ఈ రాజీనామా అంశంపై చర్యలు తీసుకోనుంది.