రామాయణ ట్రైలర్ మే 24న విడుదల: ఫస్ట్ లుక్ పై మిశ్రమ స్పందన

రామాయణం చిత్రం ట్రైలర్ మే 24న రిలీజ్ కానుంది. నాలుగు నిమిషాల ట్రైలర్ ను మేకర్స్ ప్రకటించారు. దర్శకుడు నితేష్ తివారి తీసిన ఈ చిత్రంలో రణ్బీర్ కపూర్ రాముడిగా, సాయి పల్లవి సీతగా నటించారు.

ఈ చిత్రానికి భారీ బడ్జెట్ ఖర్చు చేశారు. రెండు పార్ట్‌లపై కలిపి 4000 కోట్లు వ్యయం అవుతుందని నిర్మాత చెప్పారు. మొదటి భాగం ఈ ఏడాది దీపావళికి, రెండో భాగం 2027 దీపావళికి విడుదల కానుంది.

ఇటీవల విడుదలైన ఫస్ట్ లుక్ సినిమా ప్రియులను సంతృప్తి పరచడంలో విఫలమైంది. కొంతమంది అభిమానులు గ్రాఫిక్స్, ప్రజంటేషన్ పట్ల అసంతృప్తి వ్యక్తం చేశారు. గత ఏడాది ‘ది ఇంట్రడక్షన్’ పేరుతో విడుదల చేసిన వీడియో కూడా ఆశించిన స్థాయిలో ఆకట్టుకోలేదు.

హిందీ థియేట్రికల్ రైట్స్ 400 కోట్లకు అమ్మాలని మేకర్స్ భావించగా, ప్రస్తుత పరిస్థితుల్లో సగం మొత్తం రావడం కూడా కష్టంగా కనిపిస్తోంది. రణ్బీర్ నటించిన బ్రహ్మాస్త్ర కూడా భారీ బడ్జెట్ కారణంగా కాస్ట్ ఫెయిల్యూర్ అయింది.

ట్రైలర్ అయినా సినిమాపై అంచనాలు పెంచుతుందా లేదా అనేది చూడాలి. యష్ రావణాసురుడిగా, సన్నీ డియోల్ హనుమాన్ గా, అమితాబ్ బచ్చన్ జటాయువుగా నటించగా, కాజల్ అగర్వాల్, రకుల్ ప్రీత్ సింగ్ లు ఇతర ముఖ్య పాత్రల్లో కనిపిస్తారు.