శ్రీకాకుళంలో ఎంపీ కప్ బాక్స్ క్రికెట్ టోర్నమెంట్ ప్రారంభం

కేంద్ర మంత్రి రామ్మోహన్ నాయుడు శ్రీకాకుళంలో ఎంపీ కప్ బాక్స్ క్రికెట్ టోర్నమెంట్‌ను ప్రారంభించారు. ఎర్రన్న క్రీడా ఉత్సవం కార్యక్రమంలో భాగంగా ఈ టోర్నమెంట్ ఏర్పాటు చేశారు.

టోర్నీ లోగో ఆవిష్కరణ అనంతరం శ్రీకాకుళం MLA గండు శంకర్, ఇన్‌చార్జ్ కలెక్టర్ ఫర్మన్ అహ్మద్ ఖాన్, SP మహేశ్వర్ రెడ్డిలతో కలిసి రామ్మోహన్ నాయుడు స్నేహపూర్వక మ్యాచ్ ఆడారు. ఈ నెల 30 వరకు టోర్నమెంట్ జరుగుతుందని తెలిపారు.

టోర్నమెంట్ వేదిక శ్రీకాకుళం కార్పొరేషన్‌లోని కార్గిల్ పార్క్. ఈ పార్క్‌ను గత ఆరు నెలల్లో అభివృద్ధి చేశారని నిర్వాహకులు తెలిపారు. ప్రధాని నరేంద్ర మోదీ పిలుపునిచ్చిన Fit India కార్యక్రమం స్ఫూర్తితో ఈ టోర్నమెంట్ నిర్వహిస్తున్నామని రామ్మోహన్ నాయుడు పేర్కొన్నారు.

యువత రోజూ ఏదో ఒక క్రీడలో పాల్గొనాలని, mobile phones పక్కన పెట్టి వ్యాయామం వైపు దృష్టి సారించాలని రామ్మోహన్ నాయుడు పిలుపునిచ్చారు.