రంగారెడ్డి జిల్లా మంచాలలో రేషన్ బియ్యం దందా బట్టబయలు

రంగారెడ్డి జిల్లా మంచాల ప్రాంతంలోని ఒక రైస్ మిల్లుపై సివిల్ సప్లైస్ విజిలెన్స్ అండ్ ఎన్‌ఫోర్స్‌మెంట్ అధికారులు సోదాలు చేశారు. రేషన్ బియ్యాన్ని సన్నబియ్యంగా మార్చి బ్రాండెడ్ సంచుల్లో విక్రయిస్తున్న దందా అక్కడ బట్టబయలైంది.

సోదాల్లో మిల్లు నుంచి 19 రకాల బ్రాండెడ్ సంచులు లభ్యమయ్యాయి. వాటిలో JSR SS, SJL, Kour, Kurnool, Five Star Mubarak, BGR, JSR, RRI, Best HMT, Tomato Gold, Gajaraj, Suryateja, Jokers, Annapurna తదితర బ్రాండ్లు ఉన్నాయి.

అధికారుల వివరాల ప్రకారం, జిల్లాల నుంచి PDS సన్నబియ్యాన్ని ఈ రైస్ మిల్లుకు తరలిస్తున్నారు. అక్కడ బియ్యంపై ఉన్న ముద్రను తీసేసి, పాలిష్ చేసి, తమ సొంత సన్నబియ్యంగా రీబ్రాండింగ్ చేస్తున్నారు. ఆ తర్వాత రీప్యాకింగ్ చేసి మార్కెట్‌లో అమ్ముతున్నారు.

హైదరాబాద్ నగరంలో లభిస్తున్న బ్రాండెడ్ రైస్ మొత్తం PDS బియ్యం అని అధికారులు తేల్చారు. ఇందులో HMT, సోనా మసూరి వంటి రకాలు ఉన్నాయి. మిల్లు నుంచి 20 రకాల బ్రాండెడ్ రైస్ ప్యాకింగ్‌ను స్వాధీనం చేసుకున్నారు.

ఈ బియ్యాన్ని హైదరాబాద్‌లోని ప్రముఖ స్టోర్లు, రైస్ ట్రేడింగ్ మిల్లులు, రైస్ డిపోలకు పంపి అమ్ముతున్నట్టు విచారణలో తేలింది. దాదాపు కోట్ల రూపాయల విలువైన బియ్యాన్ని సీజ్ చేశారు.

ఈ బియ్యం ఎక్కడి నుంచి వస్తోంది, ఎవరు తరలిస్తున్నారు, ఇందులో మాఫియా ఉందా లేదా వ్యక్తులే చేస్తున్నారా అనేది అధికారులు విచారిస్తున్నారు. రేషన్ షాప్ డీలర్లే దీన్ని నేరుగా అమ్ముతున్నారా అనే కోణంలోనూ దర్యాప్తు కొనసాగుతోంది.