నటి రష్మిక మందన్న అచ్చంపేటలో ప్రభుత్వ పాఠశాల విద్యార్థులకు స్కాలర్‌షిప్‌లు అందజేత

నటి రష్మిక మందన్న నాగర్‌కర్నూల్ జిల్లా అచ్చంపేటలో ప్రభుత్వ పాఠశాల విద్యార్థులకు స్కాలర్‌షిప్‌లు అందజేశారు. దేవరకొండ ఫౌండేషన్ తరఫున ఈ కార్యక్రమం నిర్వహించారు.

అచ్చంపేట, తుమ్మన్‌పేట ప్రాంతాల్లో తమ కుటుంబీకుల ఊరిలో ఈ స్కాలర్‌షిప్ పథకాన్ని ప్రారంభించినట్లు రష్మిక తెలిపారు. పదో తరగతి టాపర్లకు స్కాలర్‌షిప్‌లు అందించి, విద్యార్థులను ప్రోత్సహించారు.

ఈ సందర్భంగా మాట్లాడిన ఆమె, "కష్టపడి చదివినందుకు అభినందనలు. జీవితంలో కొన్నిసార్లు గెలుస్తాం, కొన్నిసార్లు ఓడిపోతాం. ప్రతిసారీ నేర్చుకోండి. ఆరోగ్యం చూసుకోండి, మంచి నిర్ణయాలు తీసుకోండి, లక్ష్యంతో, క్రమశిక్షణతో పనిచేయండి" అని సూచించారు.