తుమకూరు: జ్యువెలరీ షాపులో ఎలుక రూ.10 లక్షల బంగారు నగలు ఎత్తుకెళ్లింది

కర్ణాటకలోని తుమకూరు జిల్లాలో ఓ జ్యువెలరీ షాపులో విచిత్రమైన చోరీ జరిగింది. దుకాణంలోని కౌంటర్ నుంచి రూ.10 లక్షల విలువైన 10 బంగారు ఉంగరాలు, గొలుసులు మాయమయ్యాయి. అయితే, ఈ చోరీ మనుషులు చేసింది కాదని, ఎలుక కారణమని సీసీటీవీ దృశ్యాలు వెల్లడించాయి.

సిబ్బంది తెల్లవారుజామున 4.30 గంటలకు ఈ విషయాన్ని గుర్తించి, యజమాని విశ్వాస్‌కు సమాచారం ఇచ్చారు. సీసీటీవీ ఫుటేజీని పరిశీలించగా, ఎలుక ఒకటి ఆ నగలను నోట కరుచుకొని తీసుకెళ్లడం కనిపించింది. దుకాణం మూలల్లోని ఎలుక కలుగును గుర్తించి తవ్వగా, మొత్తం 10 నగలు, వాటి ట్యాగ్‌లతో సహా సురక్షితంగా లభ్యమయ్యాయి.

చోరీకి కారణమైన ఎలుకపై పోలీసులు కేసు నమోదు చేశారా లేదా అనేది ఇంకా స్పష్టత రాలేదు. ప్రస్తుతం ఈ సీసీటీవీ వీడియో సోషల్ మీడియాలో వైరల్‌గా మారింది.