2027 సంక్రాంతికి రవితేజ కొత్త చిత్రం - దిల్ రాజు నిర్మాణం

నటుడు రవితేజ 2027 సంక్రాంతి పండుగకు కొత్త సినిమాను విడుదల చేయాలని యోచిస్తున్నట్లు తెలుస్తోంది.

ఈ చిత్రాన్ని హసీఫ్ గోలీ దర్శకత్వంలో దిల్ రాజు నిర్మించనున్నారు. రవితేజ ప్రస్తుతం చేస్తున్న ‘ఇరుముడి’ షూటింగ్ పూర్తి చేసిన వెంటనే ఈ ప్రాజెక్ట్ సెట్స్‌పైకి తీసుకెళ్లాలని భావిస్తున్నారు.

ఇప్పటికే 2027 సంక్రాంతికి చిరంజీవి, బాలకృష్ణ, వెంకటేశ్, నాగార్జున, శర్వానంద్, కార్తీ నటిస్తున్న చిత్రాలు సిద్ధమవుతున్న నేపథ్యంలో రవితేజ కూడా ఈ పండగ బరిలో దిగుతున్నారు. ఒకే సీజన్‌లో ఇంతమంది ప్రముఖ నటుల సినిమాలు విడుదల కావడం అరుదు.

ఈ ఏడాది సంక్రాంతికి ‘భర్త మహాశయ’ సినిమాతో మంచి వసూళ్లు సాధించిన రవితేజ మళ్లీ అదే వ్యూహాన్ని అనుసరించాలని చూస్తున్నారు. అయితే పలువురు స్టార్ హీరోల సినిమాలు ఒకేసారి రావడంతో థియేటర్ల కేటాయింపు పెద్ద సవాల్ కానుంది.