రవితేజ 'ఇరుముడి' సినిమాపై ప్రేక్షకుల స్పందన

నటుడు రవితేజ నటించిన 'ఇరుముడి' సినిమా థియేటర్లలో విడుదలైంది. శివ నిర్వాణ దర్శకత్వంలో వచ్చిన ఈ చిత్రంలో ప్రియా భవానీ శంకర్ హీరోయిన్‌గా నటించారు.

ప్రసాద్ ఐమాక్స్‌లో సినిమా చూసిన ప్రేక్షకులు మొదటి భాగం బాగుందని, రెండో భాగం వేరే జానర్‌లో సాగిందని చెప్పారు. తండ్రీ, కూతురి ఎమోషన్ సన్నివేశాలు ఆకట్టుకున్నాయని పేర్కొన్నారు.

జీవీ ప్రకాష్ కుమార్ సంగీతం, మల్లెపూల పల్లకి డీజే వెర్షన్, సాయికుమార్ నటనపై ప్రేక్షకులు సానుకూలంగా స్పందించారు. సినిమా దాదాపు మూడు గంటల నిడివి ఉన్నప్పటికీ ఎక్కడా బోర్ కొట్టలేదని కొందరు అభిప్రాయపడ్డారు.

కామెడీ తక్కువగా ఉన్నా సందేశాత్మక చిత్రంగా నిలిచిందని, ఆడపిల్లలు ధైర్యంగా మాట్లాడాలనే సందేశం బాగుందని ప్రేక్షకులు చెప్పారు. క్లైమాక్స్‌లో అయ్యప్ప స్వామి ప్రస్తావన సినిమాకు ప్రత్యేక ఆకర్షణగా నిలిచిందని కొందరు అన్నారు. ఓవరాల్‌గా కొందరు ప్రేక్షకులు 4.5/5 రేటింగ్ ఇచ్చారు.