రామ్ చరణ్-సుకుమార్ RC17 లో హీరోయిన్ గా రుక్మిణి వసంత్?

రామ్ చరణ్, దర్శకుడు సుకుమార్ కాంబినేషన్‌లో తెరకెక్కుతున్న కొత్త చిత్రం (RC17) ఈ ఏడాది చివరికి సెట్స్ పైకి వెళ్లనుంది. సుకుమార్ ప్రీ ప్రొడక్షన్ పనులపై పూర్తిస్థాయి దృష్టి సారించారు.

నటీనటుల ఎంపిక ప్రక్రియ కొనసాగుతోంది. గతంలో హీరోయిన్ గా రష్మిక మందన్న పేరు ప్రచారంలో ఉండగా, తాజాగా రుక్మిణి వసంత్ పేరు బయటకు వచ్చింది. 'కాంతార చాప్టర్ 1' విజయం తర్వాత రుక్మిణి పాన్‌-ఇండియా ప్రాజెక్ట్‌లలో డిమాండ్ ఉన్న నటిగా మారింది.

ప్రస్తుతం రుక్మిణి రెండు భారీ చిత్రాల్లో భాగమవుతున్నారు. యష్‌తో 'టాక్సిక్', ఎన్టీఆర్‌తో 'డ్రాగన్' చిత్రాల్లో నటిస్తున్నారు. ఇటీవల తమిళంలో 'ధర్మన్' అనే కొత్త చిత్రంలో అవకాశం వచ్చినట్లు ప్రచారం జరిగింది.

తెలుగు, తమిళ, కన్నడ పరిశ్రమల్లో ఒకేసారి పలు ప్రాజెక్ట్‌లు చేపడుతుండటంతో రుక్మిణి కెరీర్ వేగంగా దూసుకుపోతోంది. అయితే RC17 లో ఆమె నటించడంపై ఇంకా అధికారిక ప్రకటన రాలేదు.