కర్నూలులో RCB విజయోత్సవాలు హింసాత్మకం; ప్రైవేట్ బస్సుపై రాళ్లదాడి

RCB ఐపీఎల్ ఫైనల్ విజయం కర్నూలులో అర్ధరాత్రి ఆందోళనకు దారి తీసింది. విజయోత్సవాలు జరుపుకుంటున్న యువకులు రాజు విహార్ సెంటర్ వద్ద ఒక ప్రైవేట్ ట్రావెల్స్ బస్సును అడ్డుకుని రాళ్లతో దాడి చేశారు. ఈ దాడిలో బస్సు అద్దాలు పూర్తిగా దెబ్బతిన్నాయి. బస్సులో ఉన్న మహిళలు, వృద్ధులు భయంతో కేకలు వేశారు. స్థానికుల్లో తీవ్ర భయాందోళనలు నెలకొన్నాయి.

సమాచారం అందుకున్న పోలీసులు వెంటనే ఘటనా స్థలానికి చేరుకున్నారు. సుమారు గంట సేపు శ్రమించి యువకులను చెదరగొట్టారు. పోలీసులు ఆ సమయంలో హెచ్చరికలు జారీ చేశారు. ప్రభుత్వ, ప్రైవేట్ ఆస్తులపై దాడి చేస్తే కఠిన చర్యలు తప్పవని స్పష్టం చేశారు.

ఈ ఘటనకు సంబంధించి సిసి కెమెరా ఫుటేజ్ ఆధారంగా నిందితులను గుర్తించే పనిలో పోలీసులు నిమగ్నమయ్యారు. త్వరలోనే వారిపై కేసులు నమోదు చేస్తామని కర్నూలు సి.ఐ. తెలిపారు.